Prebentzioa

Tratamiento prevención donostia

Aho-barrunbean eragina duten gaixotasun gehienak prebenitu egin daitezke higiene-ohitura egokiak izanez gero:

  • Ahoa jaioberri garenetik hasi behar da zaintzen, eta azukre askoko jangaiak ekiditen saiatu. Hortzak hazten doazen heinean, gurasoek hortzak nola garbitu erakutsi beharko diete pixkanaka haurrei.
  • Fruta eta barazki asko barne hartzen dituen dietari jarraitu behar zaio; zenbait bitamina faltaz gero, hortzoietako gaixotasunak pairatzeko aukera gehiago izango ditugu eta.
  • Ekidin hortzetan itsasteko joera duten elikagaiak eta azukre asko dutenak, batik bat haurrengan.
  • Erabili fluorra hortz-esmaltea sendotzeko. Hortzetako pastek fluorra dute. Gainera Gipuzkoako iturrietako urak ere badauka fluorra.
  • Hortz-higienea: oso garrantzitsua da hortzak garbitzea otordu bakoitzaren ostean. Hortz-eskuila mota ugari daude; egokien dagokizuna erabili beharko duzu. Aldatu hilero edo bi hilabetez behin. Gutxienez 3 minutuz eskuilatu behar dira hortzak eta ez da bat bera ere ahaztu behar.
  • Hortzetarako zetak edo hortzarteko eskuilak erabil daitezke, hortzen arteko jan-hondarrak garbitzen laguntzeko.
Nahi al duzu egiaztatu zure aho eta hortz higienea egokia den edo zure hortz eta hortzoien osasuna arriskuan dagoen? Egin gure testa eta ikusi. Egin proba

LKolutorio edo irakuzteko produktuak eskuilatu ondoren erabil daitezke. Kolutorio bat edo bestea erabiliko da pertsona bakoitzak duen aho-motaren arabera. Kontsultatu zure dentistarekin; zure kasuan zein den egokiena eta zenbat aldiz erabili behar duzun esango dizu.

Tratamiento prevención donostia
  • Hortz-protesirik edo ortodontzia-aparaturik izanez gero, hortzetako higienea zorrotzagoa izango da. Hortzetako pasta, kolutorio eta eskuila espezifikoagoak daude horretarako. Gainera, pastilla eferbeszenteak erabili beharko dira behar bezala garbitzeko ken daitezkeen protesiak, hortzordeak, ortodontzia-euskarriak nahiz deskarga-ferulak izaki.
  • Ekidin tabakoa. Erretzeak hortzoi eta hortzetako arazoak areagotzen ditu, baita hortzak galtzea ere. Erretzeari ezin badiozu utzi, aho-higiene zorrotza izan beharko duzu.

Dentistarengana gutxienez urtean behin joan behar da, azterketa osoa egin eta ahoa profesional batek garbitzeko.

Galdetu lasai zure dentistari hortzen osasuna hobetzeko aholku espezifikoak.