Odontopediatria Donostian

ZER DA ODONTOPEDIATRIA?

Odontologiaren adar bat da, aho-hortzetako arazoak prebenitu, diagnostikatu eta tratatzen dituena 6 hilabete (hortzak ateratzen hasten direnean) eta 12 urte bitarteko haurrengan (behin-betiko hortz guztiak dituztenean). Adin horiek gutxi gorabeherakoak dira, haur batzuen eta besteen artean beti daude eta aldeak.

Haurrek 6-7 hilabete dituztenean odontopediatrarengana joatea gomendatzen da, oraindik lehenengo hortzak atera ez zaizkienean ere. Lehenengo bisitaldiaren ostean, profesionalek hurrengo bisitaldiak noiz egin adieraziko dute haurrak hortz-osasun on bat izan dezan.

Zergatik joan odontopediatrara?

Odontopediatriak arazo hauek tratatzen ditu batik bat:

Txantxarrak

Edozein adinetan izan ditzakegu, baita jaio eta lehen urtean ere. Ohikoena da behin-behineko hortzak dituzten haurrengan eta behin-betikoak dituzten gazteengan.
Oso garrantzitsua da txantxarra prebenitzea. Haurrek aho-higiene egokia izan behar dute, fluor-kopuru egokia izan (Gipuzkoan urak fluor ugari du), azukre ugari duten elikagaiak kontsumitzea ekidin, eta haurrei ez zaizkie zukuak eta frutak biberoian eman behar, ezta txupetea azukrean edo eztian busti ere.

Traumatismoak

7 eta 11 urte bitarteko haurrengan oso ohikoak dira hortzetako traumatismoak. Behin-behineko hortzak badira luxazioak egon litezke, eta behin-betikoak badira, berriz, hortzak hausteko aukera dago (oro har, goi aldeko erdiko ebakortzetan gertatzen da). Behin-betiko hortz bat guztiz galduz gero, beste bat ipin daiteke, baldin eta berehala esnezko hortz-pieza dentistarengana eramaten bada.

Hortz-karraska

Haurrengan oso arrunta da. Dentistarengana joan beharko da muskulu edo hortzetan minik izanez gero.

Ohitura txarrak zuzentzea

Haurrak adinez txikiak direnean, ohiko da epe luzera hortz-osasunerako kaltegarriak izan daitezkeen ohiturak hartzea. Gurasoek ahaleginak egin behar dituzte, beraz, haurrek 2-3 urteren ondoren hatza edo txupetea zurrupatzen jarrai ez dezaten, gure txikien aho-osasuna ez kaltetze aldera.

Haurren aho-higienea

Txikitatik hasi behar dira hortzak garbitzen. Hortz bat baino ez dutenean, gasatxo batez garbitu beharko dira hortzetako pastarik gabe. Hortz gehiago atera ahala hortz-eskuila erabili ahal izango da.

Ez da gomendagarria hortzetako pasta erabiltzea haurrek 2 edo 3 urte izan arte.

Bitartean, haurrentzako hortzetako pasta espezifikoak erabili beharko dira. Fluor gutxiago dute, haurrek gehienetan ahoa ondo garbitzen ez dutenez, guztia irensten badute ere arazorik ez izateko.

Onena egunean hortzak bizpahiru aldiz garbitzea da. Haurrek ezin dute euren kabuz ahoa behar bezala garbitu, hortaz, gurasoek amaitu beharko dute garbiketa (goitik behera, hortzen aurrealdean eta atzealdean; egin zirkulu-mugimenduak haginetan).

Urtean behin joan behar da gutxienez dentistarengana.

Oso garrantzitsua da haurdunaldian zehar hortzak behar bezala zaintzea, hortzetan jazo litekeen edozein infekzio edo gaixotasunek eragina izan baitezake haurraren osasunean.

Eskatu hitzordua

Hau da gure helbidea: Ferrerías kalea 5
ezker eskailera A solairuartea
20011 Donostia